"Azerbaijan Rigs" MMC tərəfindən keçirilən könüllü tibbi sığorta xidmətlərinin satın alınmasına dair tenderdə "A-Qroup" ASC qalib elan olunub və onunla satınalma müqaviləsi imzalanıb.

"AZERBAIJAN RIGS" MƏHDUD MƏSULİYYƏTLİ CƏMİYYƏTİ Razılaşdırılmış Prosedurların əlaqəli Xidmətlər üzrə Beynəlxalq Standartlara uyğun olaraq həyata keçirilməsi üzrə xidmətlərin satınalınması məqsədilə AÇIQ TENDER ELAN EDİR

Xidmətləri həyata keçirmək üçün tender iştirakçıları lazımi maliyyə və texniki imkanlara malik olmalıdırlar. Tenderdə yalnız Azərbaycan Respublikasında audit sahəsində azı 5 il (tender haqqında elanın dərc edildiyi tarixədək) fasiləsiz fəaliyyət göstərən şirkətlər iştirak edə bilər.

Tenderdə iştirak etmək istəyənlər 50 (əlli) manat məbləğində iştirak haqqını aşağıda göstərilən hesaba köçürdükdən sonra dövlət satınalmalarının https://www.etender.gov.az vahid internet portalından tenderin əsas şərtlər toplusunu və digər məlumatı əldə edə bilərlər.

H/H: AZ90IBAZ40060029441112555120

VÖEN 1402550251

Bank: ABB" ASC, Müştəri Xidməti Departamenti

Kodu: 805250

VÖEN: 9900001881

M/H: AZ03NABZ01350100000000002944

S.W.İ.F.T: IBAZAZ2X

İştirak haqqı heç bir halda geri qaytarılmır.

İddiaçılar tenderdə iştirak etmək üçün aşağıdakı sənədləri təqdim etməlidirlər:

tenderdə iştirak etmək üçün yazılı müraciət (tender komissiyasının adına);

tenderdə iştirak haqqının ödənilməsi barədə sənəd;

tender təklifi (zərflərin açıldığı tarixdən sonra azı 30 bank günü qüvvədə olmalıdır);

tender təklifinin dəyərinin bir faizi həcmində bank təminatı (tender təklifinin qüvvədə olma müddətindən 30 bank günü çox olmalıdır);

son bir ildəki maliyyə vəziyyəti haqqında bank arayışı;

Azərbaycan Respublikasında dövlət qeydiyyatı haqqında sənədinin surəti;

VÖEN-i, bank rekvizitləri və əlaqə telefonları.

İddiaçılar sənədləri (tender təklifi və bank təminatı istisna olmaqla) 14 iyul 2021-ci il, tender təklifi və bank təminatını isə 26 iyul 2021-ci il tarixlərindən gec olmayaraq dövlət satınalmalarının vahid internet portalı vasitəsilə təqdim etməlidirlər.

Elektron satınalmanın açılması 28 iyul 2021-ci il saat 12.00-da dövlət satınalmalarının vahid internet portalında olacaqdır.

TENDER KOMİSSİYASI

Tel: +994 12 521 34 60

"Azerbaijan Rigs" MMC Razılaşdırılmış Prosedurların həyata keçirilməsi xidmətlərinin satınalınması məqsədilə Xidmət Təklifləri Sorğusu elan edir. Sənədlər 25 fevral 2021-ci il saat 17.00-dək Cəmiyyətin Bakı AZ1029, Heydər Əliyev prospekti 121,SOCAR Tower, 4-cü mərtəbə ünvanında yerləşən ofisinə təqdim olunmalıdır.

Xidmət Təklifləri Sorğusunu əldə etmək üçün əlaqə telefonu: 050-230-04-78

“Azerbaijan Rigs” MMC-nin əməkdaşları öz əmək haqlarından işğal altında olan torpaqlarımızın azad olunması uğrunda mübarizə aparan müzəffər Azərbaycan Ordusuna dəstək məqsədilə Azərbaycan Respublikasının Silahlı Qüvvələrinə Yardım Fonduna fərdi qaydada ianə ediblər

Qurğu 23 fevral 2018-ci il tarixində qazma işlərinə başlamaq üçün SOCAR-ın “Caspian Drilling” Şirkətinin dəniz təchizat və logistika bazasından dənizə yollanıb. Azerbaijan Rigs MMC-yə məxsus və operatoru Caspian Drilling Company olan Qurğu SOCAR (50%) və Total (50%) şirkətlərinin pay sahibi olduğu Abşeron qaz yatağında qazma işlərini yerinə yetirəcək. Abşeron yatağının işlənməsinə dair razılıq 27 fevral 2009-cu il tarixində imzalanıb.

Qeyd etmək lazımdır ki, ABX-2 quyusunda qazma işləri tamamlandıqdan sonra, Qurğu Abşeron yatağından ilk qazı istehsal edəcək ABD001 quyusunu qazacaq.

“Heydər Əliyev” Yarımdalma Qazma Qurğusuna baxış həyata keçirilib.

23 yanvar 2018-ci il tarixində Qurğunun sahibi “Azerbaijan Rigs” MMC-nin, onun səhmdarlarının və auditoru “PricewaterhouseCoopers Audit Azerbaijan” MMC-nin nümayəndələrinin iştirakı ilə Qurğuya baxış səfəri təşkil olub. Ziyarətçilər tikintisi yekunlaşmış və yaxın zamanda mobilizasiya işlərinin başlanacağı Qurğuda quraşdırılmış üçüncü tərəf avadanlıqları, müxtəlif məqsədli otaqlar, sistemlər və helikopter meydançası ilə bağlı məlumatlandırılıblar.

Qeyd olunmalıdır ki, Qurğunun fevral ayında limanı tərk edəcəyi gözlənilir.

Azərbaycan Respublikasının Prezidenti İlham Əliyev Qaradağ rayonunda, SOCAR-ın “Caspian Drilling” Şirkətinin dəniz təchizat və logistika bazasında Heydər Əliyev yarımdalma qazma qurğusunun açılış mərasimində iştirak edib. Dövlət başçısı qurğunun məxsus olduğu “Azerbaijan Rigs” MMC-nin səhmdarları olan Dövlət Neft Fondunun İcraçı direktoru Şahmar Mövsümov və Dövlət Neft Şirkətinin Prezidenti Rövnəq Abdullayev tərəfindən müşayiət olunub.

Prezident İlham Əliyev ölkəmizdə həyata keçirilən yeni neft-qaz layihələri ilə əlaqədar yaranmış tələbatı nəzərə alaraq Xəzər dənizində 6-cı nəsil yarımdalma qazma qurğusunun yaradılması haqqında göstəriş verib və bu layihənin icrasını daim dəstəkləyib.

Qurğunun tikintisi 2013-cü il iyunun 4-də “Caspian Drilling” və Sinqapurun “Keppel FELS” şirkətləri arasında podrat müqaviləsi çərçivəsində aparılıb. Keppelin “Caspian Rigbuilders PTE ltd” şirkəti layihənin dizayn və mühəndislik işlərini apardığı halda, qurğunun tikintisi Caspian Shipyard Company tərəfindən həyata keçirilib. Layihənin iqtisadi əhəmiyyəti nəzərə alınaraq, maliyyələşmənin Dövlət Neft Fondu (90 %) və SOCAR (10%) tərəfindən icra edilib. 2013-cü il sentyabrın 20-də - Neftçilər Günündə Prezident İlham Əliyevin iştirakı ilə baş tutmuş Bakı gəmiqayırma zavodunun açılışında qurğunun aşağı üzən gövdəsinin – pantonlarının inşasına başlanılıb. Qurğunun tikintisi 2017-ci ilin mayında tam yekunlaşıb. Ümumi uzunluğu 106,5 m, eni 69,5 m, hündürlüyü isə 130 metr olan qurğunun ümumi çəkisi 26,000 tondur. Dənizdə suyun 1,000 metr dərinliyə qədər hissələrində qazma əməliyyatları həyata keçirə bilən qurğu ilə qazılacaq quyunun maksimal dərinliyi 12,000 metrdir.

Dövlət başçısı yarımdalma qazma qurğusunun yaşayış blokunda da oldu. Burada ulu öndər Heydər Əliyevin və Prezident İlham Əliyevin ölkəmizdə həyata keçirdikləri neft strategiyasından bəhs edən fotostend var. Yaşayış blokunda ofis, yataq, istirahət və kompüter otaqları yaradılıb. Blok yeməkxana, camaşırxana, idman otaqları, kinoteatr, kitabxana və konfrans zalı ilə də təchiz olunub.

Heydər Əliyev yarımdalma qazma qurğusu dünyada 1,400 atmosfer sistemi texnologiyasına sahib olan ilk və yeganə qurğudur. Onun yükgötürmə qabiliyyəti 10,160 mt, tam tutumu isə 31,602 tondur. Qurğuda 160 nəfər işçi heyəti çalışa bilər. Altıncı nəsil yarımdalma qazma qurğusunun tikintisində 2,400-ə yaxın insan çalışıb ki, onların da təxminən 80 faizi Azərbaycan Respublikasının vətəndaşları olub.

6-cı nəsil Yarımdalma Qazma Qurğusunun tikintisinə növbəti baxış həyata keçirilib.

7 mart 2017-ci il tarixində baş tutan “Kaspian Şipyard Kompani”nin tərsanəsində tikintisi yekunlaşmaq üzrə olan qurğuya baxış səfərində Layihənin səhmdarlarından biri olan Azərbaycan Respublikası Dövlət Neft Fondu və qurğunun sifarişçisi “Azerbaijan Rigs” MMC-nin nümayəndələri iştirak ediblər.Nümayəndə heyəti qurğuda gedən tamamlanma işləri və quraşdırılmış hissələrin iş rejiminə dair məlumatlandırılıb.

Vurğulamaq lazımdır ki, qurğunun tikintisinin 2017-ci ilin ikinci rübündə yekunlaşması gözlənilir.

Yeni nəsil Yarımdalma Qazma Qurğusuna daha bir baxış həyata keçirilib.

“Kaspian Şipyard Kompani” MMC-nin tərsanəsində tikintisi yekunlaşmaq üzrə olan Qazma Qurğusuna 13 dekabr 2016-cı il tarixində baş tutan növbəti baxış səfərində Azərbaycan Respublikası Dövlət Neft Fondu, Azərbaycan Respublikasının Dövlət Neft Şirkəti, “Azerbaijan Rigs” MMC və “PricewaterhouseCoopers Audit Azerbaijan” MMC-nin nümayəndələri iştirak ediblər. Nümayəndələr Qazma Qurğusunun tikintisi, quraşdırılmış avadanlıqlar və Qurğunun istifadəyə verilməsindən sonra burada çalışacaq işçi heyətin istifadəsi üçün nəzərdə tutulmuş müxtəlif təyinatlı otaqlar barədə məlumatlandırılıblar.

Vurğulamaq lazımdır ki, Qazma Qurğusunun tikintisinin 2017-ci ilin əvvəlində yekunlaşması gözlənilir.

Yeni Nəsil Yarımdalma Qazma Qurğusunun tikintisinə baxış həyata keçirilib.

10 fevral 2016-cı il tarixində Azərbaycan Respublikası Dövlət Neft Fondu, “Azerbaijan Rigs” MMC və “PricewaterhouseCoopers Audit Azerbaijan” MMC-nin nümayəndələri “Kaspian Şipyard Kompani” şirkətinin tərsanəsində Qazma Qurğusunu gəzərək tikinti prosesinin gedişi və quraşdırılmış avadanlıqlar haqda məlumat əldə ediblər.

Qeyd etmək lazımdır ki, tikintinin cari ildə tamamlanması gözlənildiyi üçün artıq belə baxışların daha tez-tez həyata keçiriləcəyi bildirilir.

Qazma Meydançasının 6-cı Nəsil Yarımdalma Qazma Qurğusuna quraşdırılması prosesi tamamlanıb.

15 yanvar 2016-cı il tarixində Qazma Meydançasının qaldırılaraq Qazma Qurğusuna quraşdırılması uğurla başa çatdırılıb. Qazma Meydançası Qurğunun qazma meydançası aralığının yuxarısında, qazma mərkəzinin üzərində yerləşir. Qüllə, həmçinin, qazma bucurqadı, avtomatlaşdırılmış boru açarı, rotor stolu və qazma nəzarət otağı kimi digər qazma avadanlıqlarının da bu Meydançaya quraşdırılması nəzərdə tutulub.

23 noyabr 2015-ci il tarixində “Azerbaijan Rigs” MMC tərəfindən sifariş olunan Yarımdalma Qazma Qurğusunun Mühərriklərinin işə salınması mərhələsi tamamlanıb.

Mərhələnin tamamlanması ilə bağlı keçirilmiş sınaq zamanı hər 4 mühərrik ayrı-ayrılıqda işə salınıb və hər biri 5 dəqiqə müddətində çalışdırılıb. Sınağın məqsədi sadəcə Mühərriklərin işə salınmasını həyata keçirmək olub və daha sonra həyəcan, interfeys, yük və paralel sınaqlarına da başlanılıb.

DSS38M modelinə əsasən hazırlanmış yeni 6-cı Nəsil Yarımdalma Qazma Qurğusu Xəzər dənizinin sərt mühit şəraitinə uyğunlaşdırılmış və səmərəli yükdaşımanı təmin edən iki (2) SWL 85t-luq TTS NMF elektro-hidravlik dəniz kranına malik olacaq.

“Kaspian Drillinq Kompani Limited” MMC və “TTS NMF GmbH” şirkətləri arasında bağlanmış müqaviləyə Almaniyanın Hamburq şəhərində yerləşən “TTS NMF GmbH” şirkətinin tərsanəsində həyata keçirilən geniş əhatəli sınaq testləri də daxildir. 2015-ci ilin iyun və iyul aylarında baş tutan və tikintisi tamamilə başa çatmış iki kranın sınaq testlərində “Kaspian Drillinq Kompani Limited” MMC və “Azerbaijan Rigs” MMC-nin nümayəndələri də iştirak ediblər. Həyata keçirilmiş sınaq testlərinə qəza dayandırma sistemi, qaldırma, çevirmə və həmçinin, sürət testləri, müxtəlif qaldırma rejimləri, artıq yük testləri daxil olmuşdur. Sınaq testləri “ABS Class” nümayəndələrinin müşayiəti ilə həyata keçirilmişdir.

Yarımdalma Qazma Qurğuya kranların son quraşdırma və istismara buraxılma işlərinə 2015-ci il oktyabr ayında kranların Bakıya çatdırılmasından sonra başlanılacaq.

Satış meneceri Marc-Laurence Mühlenbeck bildirir: “TTS NMF iki yüksək keyfiyyətə malik dəniz kranını vaxtında yetişdirməkdən və Almaniyada yerləşən tərsanəmizdə keçirilən sınaqlar vasitəsilə kranların inkişaf etmiş funksionallığını sübut etməklə “Kaspian Drillinq Kompani Limited” MMC şirkətinin peşəkar dəstəyi və inamını qazanmaqdan çox məmnundur. Biz orta ölçülü dəniz kranı müqaviləsi ilə nümayiş etdik ki, innovativ məhsullar istehsal edə bilərik və gəmi sahibinin və operatorun ehtiyaclarına xidmət edəcək yüksək keyfiyyətli kranların çatdırılmasını səbirsizliklə gözləyirik.”

“TTS NMF GmbH” şirkəti Almaniyanın Hamburq şəhərində yerləşir. Şirkətin 120 əməkdaşı daimi şəkildə xüsusi kranların layihələşdirilməsi, dizaynı və tikintisi baxımından öz bacarıqlarını və bu işdə mükəmməliklərini vurğulayırlar. TTS NMF öz sənaye bazarında SWL 50t-dan başlayaraq SWL 1500t-dək yük və dəniz kranlarının müxtəlif çeşidlərini təklif edir. O, ixtisaslaşdırılmış gəmi və platformalar üçün xüsusi postament və dairəvi kranların hazırlanıb inkişaf etdirilməsinə xüsusi diqqət yetirir.

Böyük Britaniyada “G&M Power Plant Ltd.” şirkətinin tərsanəsində ehtiyat dizel generatorun zavod sınaq testləri həyata keçirilib. Sınaq testlərdə “Watsila Finland Oy”, “Kaspian Drillinq Kompani Limited” MMC və “Azerbaijan Rigs” MMC şirkətlərinin nümayəndələri də iştirak ediblər.

3 fazadan ibarət olan Generator 400 voltaj gücə və 2591 tam yük axınına malikdir.

Bildirmək lazımdır ki, “G&M Power Plant Ltd.” şirkəti elektrik təchizatlarının dizaynı, istehsalı, sınaqdan keçirilməsi, quraşdırılması və istismara verilməsi sahəsində 70 illik təcrübəyə malikdir.

DSS38M modelinə əsasən dizayn edilib hazırlanan 6-cı Nəsil Qazma Qurğusunun Yuxarı Gövdə Blokunun Quraşdırılması işləri tamamlanıb.

Yeni Nəsil Yarımdalma Qazma Qurğusuna 1-ci Mühərrikin Quraşdırılması başa çatıb.